314 فخ تحضير الجن المسلم
تحضير الجن المسلم وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ… انتبه، دي مش آية عابرة!
الآية دي مش بس بتحكي قصة قديمة
دي بتحذرك إنت
من اللي ممكن تعيشه دلوقتي… وإنت فاكر نفسك على نور!
في ناس بتقول عندي خدمة ويفكر أنه يملك خدام لكن الحقيقة هو الخادم المستعبد للشيطان
أنا مخدوم
الخدام بتوعي بيعلّموني
أو حتى بيقولوا: ده جن مسلم… بيساعدني
بس اسأل نفسك
ليه ربنا قال: فَزَادُوهُمْ رَهَقًا؟
ليه ما قالش فزادُوهم نُورًا؟ أو علمًا؟ أو نفعًا؟
الرهق هنا مش تعب بس
الرهق طاقي
الرهق روحي
الرهق هو إنك تظن إنك بتتحصّن… وإنت بتُختَرق
اللي بيحصل النهاردة اسمه ” خدمة “… لكن حقيقتها “عبودية مستترة”
بيجيلك صوت داخلي
يقولك اقرأ سورة كذا
ما تتكلمش مع فلان
افتح ورد كذا
اقعد لوحدك
وانت تقول:
ده وحي
ده خدمة
ده تأييد رباني
بس هو فين الدليل؟
فين مصدر الإلهام؟
هل هو وحي من الله؟
ولا برنامج شيطاني شغّال على جهاز عقلك الباطن من وراك؟
يبرمج عقلك بالطاعه
فاكر إنك حر؟ وانت بتنفّذ أوامر من طيف لا تراه
دي مش مبالغة
الآية بتقول بوضوح
إن الإنس كانوا يطلبون العوذ – أي الحماية والاستعانة– من رجال من الجن
لكنهم بدل ما يحموهم
زادوا طاقاتهم اختناقًا
وده اللي بيحصل مع اللي بيقول:
أنا بخدم الناس
أنا بقرأ قرآن
أنا عندي نور داخلي
بينما في الحقيقة
هو بقى وسيلة لتكريس الطاعة
وتنفيذ أوامر صوت بديل صوتك الداخلي الحقيقي لكن … مش واضح المصدر
كيف تعرف إنك بدأت تقع في الفخ؟
– تحس إنك بدأت تميز نفسك عن الناس
– تعيش في أفكار “أنا المختار”
– تبعد عن أهلك بحجة إنهم مش فاهمينك
– تتبع أوامر داخلية بدون ما تسأل مصدرها
– تحلم بأشياء تشعرك بالعظمة وتخوفك في نفس الوقت
الخدمة مش نعمة… الحقيقة هي لعنة مُغلفة بآيات
اقرأ الآية دي كل يوم
وحطها قدام عينك
“وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا”
وافتكر
الشيطان مش بيطلب سجود
هو بس عايز طاعة… من غير ما تحس عشان يشتغل قرينك بعد موتك وفي الحقيقة قرينك اقوي من الف نفر من الجن لكن انت مش عارف عنه شي غير أنه شيطان
واحنا في سلسلة مقالات القرين وضحت انك ممكن يقترن معاك الشيطان ويكون لك قرين لكنه مش قرينك
قرينك الحقيقي مش شيطان بل هو ملاك حارس
ملاك لأنه مش بينفذ غير اللي انت تطلبه
هو عبارة عن سيارتك لو اتعلمت ازاي تقودها هتقدر تستخدمه لكن لو حاولت تقودها وانت ما تعرف تقود السياره هتأذي نفسك
القرين معندوش عقل مستقل بيتبني وعيه من وعي النفس وأمره من العقل الباطن
افتكر لما تكون مستعجل وتلتقي شي يعطلك أنه من قرينك
افتكر لما تفكر في شي وتلاقيه ده بسبب تهيئة قرينك
افتكر لما المشاكل تجي مرة واحدة أن سبب تهيئة قرينك
افتكر انك تقدر تصنع المعجزات اذا قدرت تتحكم في قرينك
وافهم أن الكون كله هيكون تحت امرك لو اتصلت بالله بشكل مباشر وشعرت بوجود الله معك وقدرت تثق أن الله قريب مجيب
الله عمره ما سمح لك بالشر لكن انت اتبعت الشر وانت اللي لتختار طريقك
الله ديما شايفك لكن افكارك بيتحكم فيها شيطانك بيقنعك أنه اقرب لك من ربك
الله يستحق انك تهتم بيه يستحق انك تتامل فيه يستحق انك تسعي ديما انك تتصل بيه اصحي من غفلتك لأنها لو كانت مصدر قوتك هتكون انت اضعف خلق الله وهيجي عليك يوم الخوف يكون صاحبك يتحكم فيك
ولو الناس دلوقتي بيقربوا منك بكرا هيبعدوا عنك وتحس انك ملعون من كل اللي حواليك هتقدر تعالج غيرك ممكن لكن علاج مؤقت وعلي حساب نفسك ونفسك هيا اللي هتدفع التمن في الدنيا وحتي بعد موتك
هتكون بقرينك عبد لشيطانك اللي كان بيقول لك أنه خدامك هو نفسه اللي بيخدعك ومسيطر عليك وبعد موتك هيبيع ويشتري فيك ويخليك في عالم الظلام عبد ذليل وده انت اللي صنعته باديك
خلي نفسك مطمئنة هتقدر بكل سهوله تنجح في حياتك ومماتك
شارك المقال ده مع أي حد بدأ يتكلم عن الخدام والخدمة والفتوحات
وقوله
مش كل اللي بيقرأ قرآن بيشتغل عند الرحمن
ومش كل اللي بيساعد الناس طاقيًا… على نور
سلسلة كشف الأقنعة الروحية
مستوحي من كتاب: دليل عالم الروحانيات للكاتب فوزي محمد
شارك!
تعليقات