315 التكلم مع الجن
التكلم مع الجن هل في شيء اسمه “لغة الجن”؟ طب ازاي تتكلم مع الجن
كل اللي بيسمع صوت داخلي
ويحلم بأحرف غريبة
ويحس إنه على حافة اكتشاف لغة جديدة
يسأل نفسه سؤال واحد:
هو ده صوت نور؟ ولا بوابة ظلام لابسة قناع العلم؟
بتسمع عن ناس تشوفها بتتكلم لغة مش مفهومة ويقولوا أنهم بيحكوا ب #لغة_الجن
تعالي نشوف ايه الحكايه
محتوى المقال
الجن ما عندوش قلب… ولا عقل زي البشر
ما يعرفش يحب
ما يعرفش يعشق
صوته مش كلام… صوته ذبذبات
ولو فتحت له أذنك… يبدأ يتكلم بلغتك
مش لأنه طيب
لكن لأنه بيترجم مشاعرك ويقودك من جوه وبيخاطب عقلك وعقلك بيترجم الذبذبات لكلام
زي اللي بيحصل مع قرينك
قرينك بيرسل لك المستقبل في أحلامك وعقلك بيترجمها حسب المعلومات والإشارات الموجودة جواه
وتتحول اشارات القرين الي مشهد صوت وصورة حلم رؤية
يعني مثلا الفيديو اللي انت بتشوفه ده أصله ترددات وإشارات وانت عارف أنه مش حقيقي
اللغة الحقيقية مش صوت… اللغة روح
الجن بيتعامل معك بموجات
وأنت تترجمها على إنها وحي عشان كده لما العقل بيترجم للإنسان بيترجم حسب احتياجات الإنسان نفسه ومشاعره ورغباته
اقوي سبب انك تتكلم مع الجن
احتياج التواصل لأنك حاسس بالوحدة وشعور الوحدة اللي جواك هو اللي خلا عقلك يفتح اتصال وتواصل مع الشيطان
عقلك الباطن مش بيفرق بين الشخص اللي ينفعك والشيطان اللي يضرك المهم عنده ينفذ نظام التواصل عشان بدونه انت مش هقدر تكمل حياتك
لما يقرب منك الشيطان بتحس أنه فاهمك وفي الحقيقه هو اصلا مش شايفك ولا سامعك هو بيجعلك تكلم نفسك تكلم احتياجاتك ورغباتك محروم من الجنس انا جني بعشقك محروم من التواصل انا جني خدامك محروم من الثقة انا جني بيحارب معك
فتقول: أنا سمعت الجن
أنا تعلمت لغته
وأنت ما سمعتش غير انعكاس لنفسك ياسيدي الجن مش ذكي اوي كده ده بس بيفعل المرايا في عقلك المرايا اللي تخليك تشعر انك مع الشيطان قادر يحقق احتياجاتك اللي هيا في الحقيقة وهم
المصيبة مش إنك سمعت… المصيبة إنك ما سألتش: مين بيكلمني؟
مش كل صوت داخلي دليل لازم تعرف تفرق بين صوت شيطانك صوتك الداخلي
ومش كل وحي من الله ممكن يكون الهام من احتياجاتك وشيطانك
والجن المسلم مش بيظهر في بيتك علشان يعلمك
ولا بيكلمك علشان يخدمك
لو كان صوت النور بيكلمك… كان زادك قرب من ربك
مش قرب من نفسك ولا إحساس إنك مختار انت لو كتبت المهدي المنتظر هتلاقي مليون واحد طالع يقول أنا
سبب أنه انعكس له مراية احتياجاته من قرب شيطان منه وخلاه يقتنع أنه مميز عن باقي خلقه
افهم قبل ما تكون ضحية لشيطانك زي ما وضحت في المقالات السابقة
أي حد يقولك: الجن بيتكلم لغة
قوله: وقلبي بيتكلم قرآن
عقلي يقدر يتواصل مع ربي هو الوحيد اللي يقدر يخليني بين الناس سلطان
أنا مش عبد لذبذبة
أنا عبد لربّ
لغتي صلاة حقيقية بيني وبين اله قريب مني مش شيطان يوهمني
وصوتي وِرد … ورد يعني إصرار لشحن طاقة حقيقية
وطاقتي ذكر يعني ارتباط بخالق الكون
في النهاية الجن له لغة اكيده لكن لغة لا تعتمد علي صوت ومشاعر يقدر يفهمنا كويس ويتكلم زينا لكن معندوش لغة خاصة بيه لأنه مش بيخرج صوت وكلمات لأنه معندوش قلب وعقل زي البشر
كلنا لينا مميزات وعيوب وكل المخلوقات نفس الحكاية يعني مثلا الكلب يقدر يشعر بقلبك واحساسك وعنده نظام الانتماء والوفاء فعال والقط ميقدرش يوفي لك مش لأنه غدار لأن عقله مبعرفش ايه هو نظام الانتماء لأنه في طبيعته بيعيش لوحده عشان كده عقله مش محتاج يثبت الوفا والانتماء
انت عقلك كمان بيتطور حسب العالم الخاص بيك اللي متكون من قناعات ومعتقدات جواك
بدل ما توهم نفسك اتعلم انت اقوي من الأرض والسماء الجن مش هيعطيك مميزات
بل هيعطيك انتكاسات
اتعلم ازاي تكشف بنفسك تتخاطر تقرأ العقول تسافر بين الكواكب وتكتشف عالم النور بجد بعيد عن الضلال
كل ده تقدر اعمله بسهولة في أكاديمية عالم الروحانيات
شارك المنشور ده مع كل شخص بيدوّر على لغة الجن
وقوله: اللي بتدور عليه مش صوت… ده اختبار
ولو ما فهمتش
هتتكلم بلغتهم… وتنساهم
بس هتنسى لغتك مع نفسك للأبد
سلسلة كشف الأقنعة الروحية
من كتاب: دليل عالم الروحانيات – فوزي محمد
شارك!
تعليقات